Այսօր ՃՈ նախկին պետ Մարգար Օհանյանը հայտարարել է, որ ոստիկանության ղեկավարության կողմից իր նկատմամբ տեռոր է սկսվել, և «իր գլխին սարքել են»։

–Ոստիկանությունն այդ ժամանակ ղեկավարում էր Ալիկ Սարգսյանը: Եղել են կադրային և աշխատանքային որոշակի անհամաձայնություններ, որոնք բենզինի յուրացման հետ կապ չունեն: Կադրեր նշանակում ու հանում է ՀՀ ոստիկանապետը։ Շատ նշանակումների հակադրվել եմ: Դրանք վերաճեցին անձնական վատ հարաբերությունների, ինչն էլ բերեց նրան, որ 6-րդ վարչությունը հանցագործություն հայտնաբերեց, ու ստուգվեց ՃՈ համակարգը,–ասել Մ. Օհանյանը,–սկսել են իմ հանդեպ ճնշումներ գործադրել, ասել են՝ թող գա ընկնի ոտներս։ Բայց ես հայրենիքին նվիրված տղա եմ, ոչ մեկի ոտի տակն ընկնողը չեմ։ Սա ի՛մ երկիրն է. եթե ես հանկարծ մեղավոր էլ լինեի, ապա ես օրենքի առաջ կգնայի, ոչ թե երկրի: Ընենց եկան դիմակավորներով ինձ տարան, ոնց որ ես փախնելու էի։ Չէ՛, ես չե՛մ փախնի, էս ի՛մ երկիրն է, ես այստեղ հոր գերեզման ունեմ, թող իրենք ինձանից փախնեն։

7or.am